መትከላት ስምምዕ ፓሪስን ዓለምለኻዊ መዐቀኒታት ሃገራዊ ትካላት ሰብኣዊ መሰላትን፤ ሃገራዊ ትካላት ሰብኣዊ መሰላት (NHRIs) ኣብ መንጎ ዝተፈላለዩ ኣካላት ከም ዋና ድልድይ ብምዃኖም ምስ ትካላት ሲቪል ማሕበረሰብ ብቐረባ ብምስራሕ ኩነታት ሰብኣዊ መሰላት ክከታተሉ፣ ፀብፃብ ከቕርቡን ስሩዕ ክትትል ክገብሩን ከም ዘለዎም የመልክቱ። እዚ መሰረት ብምግባር ድማ ኮሚሽን ሰብኣዊ መሰላት ኢትዮጵያ (ኮሰመኢ) ንመድረኽ ትሕብብር ኮሰመኢ-ትካላት ሲቪል ማሕበረሰብ ከም ስሩዕ መስርሕ ምሕዝነት ኣጣይሹ እዩ።

ኣባልነት እዚ መድረኽ ትሕብብር ኣብ ጉዳያት ሰብኣዊ መሰላት ብቐጥታ ንዝሰርሑ ትካላት ሲቪል ማሕበረሰብ (CSOs) ወይ እውን ንክብሪን መትከላትን ሰብኣዊ መሰላት ዝድግፉ ትካላት መዳርግቲ ልምዓት ዝተኸፈተ ኮይኑ፤ እዚ ድማ ኩሎም ኣባላት ንዕላማ እቲ መድረኽን ንዘፈር ንኡሳን ጕጅለታትን ኣስተዋፅኦ የበርክቱ እዮም ብዝብል እምነት እዩ። ካብ ነሓሰ 2012 ዓ.ም. ክሳብ ታሕሳስ 2016 ዓ.ም. ኣብ ዘለው ዓመታዊ ዓውደ-መፅናዕትታት ዝተሳተፉ ትካላት ሲቪል ማሕበረሰብ ኣባልነቶም ብድሌቶም እንተዘይኣቋሪይፆም ብዘይ ተወሳኺ ሕቶ/መመልኸቲ ናይቲ ትሕብብር መድረኽ ኣባላት ተገይሮም ይሕሰቡ።

ቅኑዕን ግልጽን ዘተ ንምብራታዕ ብምሕሳብ፡ ኩሎም ኣኼባታት ብስርዓት ቻትሃም ሃውስ ዝመሩ ይኸውኑ፤ እዚ ኣሰራርሓ’ዚ ዝተሓላለፈ ሓበሬታ ብቐጥታ ክጥቀስ ወይ ኣብ ሚዲያን ካልኦት ናይ ወጻኢ መራኸቢታትን ናብ ፍሉይ ኣካል ተኣሳሲሩ ክቐርብ ኣየፍቅድን። ናይ ኣኼባ ቃለ-ጉባኤ ቀንዲ ውሳነታት የመዝግብ እምበር ተኣፈስቲ/ስምዒታውያን ትሕዝቶታት ኣየካትልን።

ካብ ናይ ሓፂር እዋን ፕሮጀክት ፋይናንሳዊ ሓገዝ ብዝተሻገረ፤ ንናፅነት፣ ዘላቕነትን ትካላዊ ዕብየትን እቲ መድረኽን ኣባላቱን ዘረጋግፅ ናይ ነዊሕ ዓመታት ራእይ (2018-2022) የንብር፡፡ ዘላቕነት እዚ መድረኽ ትሕብብር ኮሰመኢን ትካላት ሲቪል ማሕበረሰብን ኣብ ስትራተጂያዊ ምሕዝነት፣ ንጡፍ ርክብ ሓገዝን ሃገራዊ ዓቕሚን ዝተመርኮሰ እዩ፡፡